NEDP Core Committee chuan kum 2018-19 atana NEDP sum dinhmun report ngaithla hmasa in, NEPD hnuaia hmalakna kal mek chungchang, hmachhawpte leh rawtnate sawiho a ni a. Sawrkar department hrang hrang atanga project dilna 100 chuang lut belh te ngaihtuahho in, engemawzah pawm a ni. Chief Minister chuan NEDP sum hmanna project-te hi chak taka kalpui a nih a, committee bakah a department hotutlu theuh ten ngaihven zui zel tura a duh thu a sawi. Vawiin meeting-ah hian My Project, My NEDP/ Mipui Mamawh Intawm Ruahmanna (MiMIR) hnuaia District hrang hranga neih hmawr bawk chhoh mek chungchang sawiho ni bawkin, hun remchang hmasa berah a hlawm a winning project puanna neih ni thei se tia rel a ni bawk.

NEDP Core Committee, Chief Minister hova neihah hian Home Minister Pu R. Lalzirliana, NEDP Core Committee Alternate Chairman leh member dangte - Planning Minister Pu Lalsawta, Commerce & Industries Minister Pu H. Rohluna, Health Minister Pu Lal Thanzara, State Planning Board Vice Chairman Pu H.Liansailova, Finance Principal Secretary Pu Lalnunmawia Chuaungo leh Planning Secretary Dr.C.Vanramsanga, Member Secretary, NEDP Core Committee te bakah Planning Department hotu dangte an tel a ni.