Vawiin khan Kolasib DC Conference Hall ah August thla chhunga Tripura Refugee Camp atanga Bru hruaikir dan tur (Action Plan) ngaihtuahin Bawrhsap Dr.Arun T,IAS kaihhruaina hnuaiah a kaihhnawih Sawrkar Official te leh khawtlang aiawh te an thukhawm.

Thutkhawm ah hian Ministry of Home Affairs chuan Bru rawn let tur te chu chen lai lawkna hmun (staging area) leh Ei leh bar buatsaih sak na tur (community kitchen) chu siam/buatsaih lo turin thupek a chhuah tih tarlan a ni a, Bru rawn let tur te hi an awm na tur khua ah dah tawp tur an ni a ,Buhfai erawh chu pek an ni ang a, tanpuina pawisa an dawn tur te chu Bank Account ah dahluh tur a ni a, hruaikir leh an awmna tur khua a  Supervisory Officer (SO) leh Administrative Officer (AO) te hnathawh tur sawi zauna neih bawk a ni.

Hruaikir hna thawk tur hian Supervisory Officer (SO) 10 leh Administrative Officer (AO) engemaw zat ruat an ni a Bru chhungkaw laklet tur te hi vote an neihna hnaih ber khua a dah tur niin, hruai kir nan hian Bus 92 leh Pik-Up 81 mamawh a nih tur thu tarlan a ni.  Kolasib District ah hian Bru chhungkaw 824 hruaikir tur niin, hruai kirna tur camp, chhungkaw zat  leh hruai kir ni tur (Action plan) hi a hnuai ami ang hian ruahman a ni e;

1)         Khakchangpara camp atangin chhungkaw 14 te chu August ni 14    ah hruaikir tur an ni a,

2)         Hamsapara Camp atangin chhungkaw 8 te chu August ni 17 ah     

3)         Kaskau camp atangin chhungkaw 29 te chu August 18 ah

4)         Asapara camp atangin chhungkaw 391 te chu August ni 22

5)         Naisingpara Camp atangin chhungkaw 323 te chu August ni 27-29

6)         Hazacherra camp atangn chhungkaw 58 te chu August ni 31 ah.