832/2026-2027

Saitual the 4th June, 2026 : Vawiin khan Phullen RD Block huam chhunga khaw 12 a VEC leh MATE te tan VB-G-RAM-G Act 2025 chungchangah Orientation Training buatsaih a ni a, Phullen BDO Pu J.L alhmahruaia chuan kalkhawmte zirtirna pein, VB-G-RAM-G dan thar hman tur chungchangah uluk taka zirna hun hman a ni. 

BDO chuan he danin a tum ber chu 'A vision of Viksit Bharat 2047'  tih a ni, a ti a,  kum 2047-a India zalenna champha vawi 100-na a lo thlen hun atana thingtlang mite hmasawnna leh intodelh, ram changkang nih tumna nen thlunzawm a, kum khatah ni 125 inhlawhna thingtlang a chengte tan siam leh hmasawnna ruhrel tha leh tlo din a ni, tih a sawi.  He dan thar hi July ni 1,  2026 atang India ram pumpui a hman tan tur anih avangin Block Huam chhunga VEC te pawh a scheme in a ken tel uluk taka work category leh thematic focus hrang hrang tuia intodelh, thingtlang hmasawnna ruhrel din, eizawnna ngialnghet siam leh khuarel chhiatna laka ta inven dan leh hmalakna te zir chiang a inbuatsaih turin Pu J.L alhmahruaia  chuan a chah a ni. 

He Orientation training-ah hian Phullen RD Block huam chhunga khawtin VEC member pahnih leh Mate pahnih theuh an tel a ni.