No.1579/2021-2022

Aizawl 27th July 2021: Aizawl DC chuan Phunchawng hmun thenkhat Micro-Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Section-34(b)(c) of the Disaster Management Act, 2005 behchhanin Phunchawng Veng hmun thenkhat chu Micro-Containment Zone/Area-ah puan a lo ni tawh a. Chief Medical Officer, Aizawl West in zirchianna leh a tul anga hma a lak hnuin Phunchawng Veng hmun thenkhat, Micro-Containment Zone/Area-a lo puan tawh sawrzim leh chu kai thar an awm belh zel avangin hmun thenkhat Micro-Containment Zone/Area-a puan belh a rawn rawt a. He rawtna ang hian a hnuaia Phunchawng Veng area hmun tarlante hi ni 27.07.2021 (Thawhlehni) Zing dar 4:00 atangin Micro- Containment Zone/Area-ah puan belh a ni.

PHUNCHAWNG (Micro-Containment Zone/Area) puan belhna:
Vanapa section - Vana Colony (Zothan Autoworks bul)
(Total no.of Household contained : 11)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.