Vawiin chawhma dar 11:30Am khan Pi Harleen Kau IAS, Deputy Commissioner, Siaha District chuan RMSA hnuaia Vocational Education Building leh Government High School, Siaha Building sak thar chu a hawng.

He Building hawnna inkhawm hi Pu N. Solomon Beihlotha, Coordinator, RMSA, Siaha chuan a kaihruai a, Pi Harleen Kaur chu Khuallian a ni.

Khuallian Pi Harleen Kaur chuan thu sawiin, zirlaiten hetianga Building tha in neih thei hi a lawmawm em em a, hetiang building nei ve phaklo tam tak an awmlai a, kan Sawrkar duhsakna zara kan neih thei hi a ropui hle a ni,a ti a. Zirlai Naupangte hnenah chuan faina  pawimawh ziah sawiin, faina chuan taksa hriselna a hring a, taksa hriselna chuan rilru hriselna a hring chhuak a, rilru hriselna chuan lehkha thiamtheihna a hring chhuak thin tih hre reng turin a cha hlawm a. School-ah chauh nih lovin, veng leh khawtlang ah pawh faina thlentu Agent nih theuh turin  a chah hlawm bawk.

Vawiina hawn tak Building : (i) Govt. High School hi Rs. 32,25,000 senga kum 2010-2011 a sak tan a ni a, Room pasarih (7 rooms) awm in-Computer room te, Laboratory room te, Art & Craft room bakah Class-IX leh Class-X te tan room hnih ve ve a awm bawk a ni. (ii) Vocational Education Building  hi Rs.1,27,000/- senga kum 2016 a sak tan a ni a, Class Room pahnih awm in-IT&ITES room leh Health Care Vocational Course zirna room te a awm a ni.