Ministry of Labour & Employment, Govt. of India Notification ni 30.10.2015 hmangin Employees State Insurance (ESI) Act. chu Aizawl Municipality  chhungah December ni 1, 2015  atang khan kalpui tan a ni a. Branch Office pawh tahrik ni 08.02.2016 ah hawngin, C-40, ITI VENG, AIZAWL, 796005, MIZORAM-ah Branch Manager leh Staff te dah nghal an ni. ESI Dispensary pawh, Urban Primary Health Centre, ITI, ah hawn niin Mizoram State Health Care Society, Govt. of Mizoram in a enkawl a. Dispensary kalpui nana sum mamawh erawh ESI Corporation in a tum vek a ni.

Employees’ State Insurance Corporation hi Ministry of Labour & Employment, Govt. of India hnuaia Statutory Body niin,  ESI.Act 1948 in hnathawktu a huam te chu damloh/bawrhsawm (Sickness) na lakah te, Nau neih avanga (Maternity), hliam avanga hnathawk theilo (Disablement) leh a hnathawhna avanga nunna chan an nih chuan, amah rinchhana khawsa (dependants) te nen a inzata insem turin monthly pension an hmu ang. Hnathawktu leh a chhungte chu Medical Treatment, a thlawn a pek vek an ni bawk.

ESI Scheme chuan sumdawnna Establishment emaw factory-a hnathawktu 10 emaw a aia tam chhawr reng reng te a huam vek a. Hnathawktu thla khata Cheng 15,000/- leh a aia tlem hlawhte tan heng hamthatna hi an nei thei a ni :-

              

  1. Sickness Benefit
  2. Disablement Benefit
  3. Dependants’ Benefit
  4. Maternity Benefit medical Benefit
  5. Medical Benefit
  6. Confinement Expenses
  7. Funeral Expenses
  8. Vocational Rehabilitation
  9. Physical Rehabilitation
  10. Unemployment Allowance
  11. Skill Upgradation Training

Mizorama ESI Scheme-a hlawhtlinna turin Central chuan Pu David Lalfakzuala, Assistant Director/Liaison Officer chu Aizawla Camp Office enkawl turin New Delhi atangin September 2016 khan a rawn dah a. Tunah hian, ESI Corporation in tan a lakna ang zelin mipuite tana hamthatna (Social Security) chu India ram khaw pumpuia hnathawktute tan bik  SPREE Scheme a puang a. Hnathawka chhawrtute leh hnathawktute tana inziahluh (Register)-na hun pawimawh tak a ni. SPREE hi, 20th December’2016 atanga 31st March’2017 thleng, sumdawngte leh an mi chhawr zawng zawng, ESI Act, 1948 in a huamte tan inziahluhna hun a hawng a ni.

I&PR Conference Hall-ah 06.02.2017, zing dar 11:00 atang hian SPREE inzirtirna programme  neih a ni dawn a. Sumdawng te, hnathawktu te, Trade Union/Association Representatives te tel vek tura sawm an ni.