Nimin 08.10.2009 (Thursday) khan Pi L.Tochhong, Principal Secretary, Agriculture Department hovin Oil Palm Factory dinna hmun tur Kolasib District-ah en a ni a. Factory dinna atan hian ram hmun hnihah en a ni a. Bairabi bul hnai ‘B’ Suarhliap ram-ah leh Buhchangphai khaw bul ahte en a ni. Heng khua pahnih V.C te hian Factory dinna atan hian ram pek an remti a. Factory hi Godrej Oil Palm Limited te bul tum a din tur a ni. Factory hi din anih hunah chuan Mamit leh Kolasib District a Oil Palm tharchhuah-te  chu lakhawm in an her thin dawn a ni.

Tunah hian Oil Palm hi Mamit District-ah chuan ram hectares 2520.05 ah chin mek a ni a. Kolasib District-ah chuan ram hectares 3634.79 ah an chin mek a ni bawk.

Pi L.Tochhong hi Pu C.Lalniliana, Joint Director of Agriculture-te, Pu Lalsanglura Sailo, Subject Matter Specialist-te, Pu Lalbuatsaiha, Subject Matter Specialist-te, Pu Lalvensanga Hmar, Development Executive, Godrej Oil Palm Limited-te bakah Village Council Member Bairabi leh Buhchang amiten an tawi awm a ni.