189/2025-2026

Dated the 16th April, 2025: Vawiin khan Health Minister Pi Lalrinpuii leh Dr Montukumar Patel, President, Pharmacy Council of India President te chu Health Minister office chamber ah an inkawm a.

Mizoram chhunga pharmacy profession chungchang sawi dunin, wholesale leh retail a damdawi hralh anih kawnga Dan in a phut  Pharmacist te mawhphurna chu a taka kenkawh tha a tih thu Dr Patel chuan Minister a hrilh a,  State Sawrkar in ram a pek theih chuan Pharmacy Skill Development Centre building tur an sak sak theih thu Dr Patel chuan a sawi bawk. Minister chuan a rang thei ang bera bawhzui a lo tum thu a lo hrilh bakah damdawi lei leh hralh kawnga Pharmacist te tihtur te hlen turin Sawrkar in chak takin hma a lak mek thu a lo hrilh a ni.  

Minister chuan Mizoram thalaite zingah damdawi hman sualna a tam thu sawi chhuakin, Drugs control lama chak zawka hmalak an tum thu a lo sawi bawk a, Tin, Mizoram in Pharmaceutical Company te kan neih a, mizoram in Damdawi tha leh rintlak a Siam chhuah ve theih nan hmalak a duhthu sawiin, hemi tur hian mizoram Pharmacist te thawhpui ah a lo sawm bawk a ni.

He hunah hian FDA lama Drug Control Officer, State Pharmacy Council leh Mizoram Pharmacists Association member ten President hi an tawiawm a ni.