188/2025-2026

Dated Aizawl: the 16th APril 2025 : Vawiin khan Pu C. Lalsawivunga, Hon'ble Minister, Art & Culture Department etc. chuan, 15th December, 2024 atanga ni 15th January, 2025 inkara SCERT leh Mizo Language Development Board tangkawpin an buatsaih pawl 5 atanga pawl 8 zirlaite tana "thawnthu tawi inziahsiak" lawmman semna hun, ATI Auditorium, MINECO-a neih chu khuallian niin a hmanpui a. MLDB Website leh Logo tlangzarhna hun a hmang nghal bawk a ni.

Kalkhawmte hmaah hian khuallian Art and CUlture Minister Pu C. Lalsawivunga chuan thusawiin, tawng chu hnam tin nunphunga bet tlat, hnam ro HLU berte zing a mi a nih thu a sawi a. Thangthar ten Mizo tawng pawimawhzia an hriat chian leh zual theihna tur leh, tawnghmang dik zawkte an zir chhoh theihna tura SCERT leh MLDB-te hmalakna chu ropui a tih thu sawiin, Zirlaite chu Mizo tawng hlutzia leh hman dik a pawimawhzia te hre thar zel turin a chah nghal a. Mizo thalaite zingah tunlai hian tawnghmang dik hlel deuhte leh hawrawp mumal lo tak taka ZIAKte a hluar deuh a ngaih theih a ni tih sawiin, Minister chuan inzirtir kan uar sauh sauh a tul hle tih a sawi bawk a ni.

Vawiina hun hman hi MLDB Secretary Pu Lalsangpuia chuan kaihruaiin Pu R. Lallianzuala, Chairman, MLDB-in kalkhawmte lo lawmna thu a sawi a. Hei hi lawmman semnain zuiin, Mizo Language Development Board Website leh Logo  tlangzarhin a chhunzawm a. MLDB hmalaknate leh hmalak zel dan tur te sawizauna neih a nih hnuin, Pi Caroline Zoramthangi, Director, SCERT  chuan lawmthu sawiin hun hi a khar a ni.

Vawiina lawmman dawngtute hi:- Pakhatna: Zonunkimi D/o Lalmuantlinga Dinthar, Aizawl, English Congregation School, Mission Veng te, Pahnihna:  Lalzarzovi D/o Lalnunthara E. Damdiai Damdiai Upper Primary School  leh Pathumna:  Lalliansiami D/o Bawilianhama Chhinga Veng, Aizawl Govt. ChhingaVeng M/S te an ni a. Heng mite bakah hian midang 10-te hnenah consolation prize hlan a ni bawk.