609/2022-2023
Dated Serchhip, the 24th May, 2022: Vawiin khan Serchhip bawrhsap Pi Nazuk Kumar, IAS chu a pisaah Serchhip District Bharat Scout & Guides President atana lakluhna inkhawm buatsaih a ni a. Pi K. Lalliantluangi, State Commissioner (Guides) chuan rinawmna thu tiam tirin a lalut a ni.

President lakluhna inkhawm hi Pu CVL Hruaia, Secretary, Serchhip district Bharat Scout & Guides in a kaihruaia, Scouts & Guides Payer Song an sak ho hnuin President lakluhna hun hman zui a ni. Bharat Scouts & Guides dan anga lakluh a nih hnuah district President thar Pi Nazuk Kumar hian thusawiin, naupang a nih laiin Scout & Guides a lo hmelhriat ve tawh avangin vawiina an hun hman chu lunglenthlak a tih thu a sawi a. Scout & Guides te inzirtirna leh inkaihhruainate hi mimal, chhungkua leh khawtlang tan a tha em em a. Khua leh tui tha nih theih nana thil pawimawh tak a ni bawk a, ka ngaihlu hle a ni, a ti. Vawiinah district President atana lakluh ka lo nih tak avangin Scout & Guides inkaihhruainate chu tha taka zawm ka lo tum zui anga, kan naupang enkawl mekte pawh an nitin nunkawng thuahte, an thiamna leh theihna haichhuah sak kawngahte, midangte tanpuitu ni zel tur leh khua leh tui tha ni tura zirtirna kawngah te nasa taka kaihruai chho zelin, Scout & Guides in a thiltumte tihlawhtling turin kan thawk ho zel dawn nia tiin kalkhawmte a sawm a ni. Tun hnaiah leilung chhiatna thilah te, hripuiin min chim avangtein Scout & Guides tangkaina kan hmu nasaa, kan uar deuh deuh a tul hle a ni, a ti bawk.

He hunah hian Serchhip SP Pu Stephen Lalrinawma, MPS pawhin thu a sawi a ni.

President thar lakluhna inkhawm hi Pi Lalhmangaihzuali, Asst. District Commissioner chuan lawmthu sawiin a khar a ni.

Attachment

  • Loading attachment...