2192/2026-2027

Dated: Mamit the 11th of September,2026: Vawiin khan Pi Padmini Singla, Joint Secretary, Ministry of Textiles leh Central Prabhari Officer for Mamit Aspirational District leh Reiek Aspirational Block ni bawk chuan Mamit tlawhin Aspirational district programme leh Aspirational block programme hnuaia hnathawh leh hmalakna te DC Conference Hall, Mamit-ah thlirletna hun a hmang.

Pi Padmini Singla chuan line department hotute chu tun kuma an hmalak tum te zawtin thawhhona tha nei tur leh mipuite hmasawnna atan an mawhphurna zawnah theihtawp chhuah turin a chaha. CPO chuan department harsatna te chu ngaithlain theih anga hmalak a tum thu a sawia, zawhna leh chhanna hun hman a ni bawk.

Vawiin hunah hian Pu Suvigya S Chandra, District Bawrhsap chuan Mamit Aspirational district programme, Reiek Aspirational block programme, Sampoornata Abhiyan,Niti Tara, CSR, ADP Project leh PM-DDKY

hnuaia hnathawh kal mek te sawi zauna(power point presentation) hun a hmang. 

He hunah hian Pi Padmini Singla chuan Project Genesis, Beti Bachao Beti Padhao (BBBP) hnuaia hmalakna chu a hawng a. Project Genesis in a tum tlangpui chu  institutional delivery tih san leh nu nau pai te hrisel zawka nau an neih theihna tura an hamthatna ngaihtuah te a ni. He project hi district pali- Mamit, Lunglei, Lawngtlai leh Siaha-ah te kalpui a ni ang. 

Vawiin thutkhawm zawhah hian Pi Padmini Singla hian P/S Shri Primary School- V, Vikas Bhawan sak mek, New hospital complex leh Anganwandi centre IX te tlawhin thawktute a kawm a ni.

Naktukah hian Pi Padmini Singla chuan Reiek Aspirational block tlawh tumin block officials te nen inkawmna hun an hmang anga, Lentupui CLF Organic Turmeric Processing Plant leh Primary Healthcare centre te a tlawh bawk ang.