3389/2023-2024

Mamit 18th January, 2024 : Vawiin khan Pi P.B Lianthangpuii, Jt Director, I&PR chuan Mamit District Information Office a tlawh a, Dr. Saithantluangi Zote, DIPRO Mamit chuan lo dawngsawngin, thuthar thehdarhtute meeting a neihpui bawk.

Pi P.B Lianthangpuii chuan MJA Mamit te leh DIPRO Office staff-te chu ram leh khawthlang tana theihtawp chhuaha hna thawk tura chahin, thuthar thehdarh kawngah mipui te'n kan chunga rinna an ngah ngamna ni reng tura kan awm a tul a ni a ti.

Mamit DIPRO Staff te chu tlemte indaihlo tak ni chung pawha theihtawpa hna an thawhna kawngah lawmawm a tih thu a sawi a, kan dinhmun leh kan thlen chinah lungawi thiam a tul a, ram leh khawtlang tana theihtawp chhuaha hna thawh hi kan tihtur a ni a ti.