3388/2023-2024

Dated Saitual the 18th January 2024 : Vawin khan Saitual- Keifang a SP Office Building ah rikrum chhiatrupna a thlen thulha chet lak dan tur "Mock Drill" neih a ni a. He mock drill hi District Disaster Management Authority, Saitual District, 1st BN National Disaster Response Force, Guwahati leh Saitual DC Office te tangkawpin an huaihawt a ni.

He Mock drill hi lirnghing lo thlen thut a chet lak dan tur hawi zawng a neih a ni a. Keifang ah lirnghing thleng anga awm tirin, chu lirnghing chuan Keifang SP office a tichhia a, building chima tang te chhanchhuah hna chu a tak ang thei tur ber in an thawk chhin a ni. He Mock drill ah hian Backboard strecher hmanga lak chhuah te, Emergency move- two men two hands, - two men four hands an tih te, hrui hmanga chhanchhuah hna- Rope Rescue te, Emergency a hlang a in lak chhuahna emergency Stretcher te leh Cradle Carry te chu entir a ni.

Vawiin a Mock drill neih tak hi dt 15, 01,2024 a District Disaster Management Authority leh National Disaster Response Force aiawh thukhawm in a chhiatrupna thleng thei laka chet lak dan tur mock drill neih ni se tia a lo rel tawh bawhzuina a ni a. Saitual Bawrhsap Dr Lalngura Tlau chuan mock drill neih zawh taka mawhphurtute, khawtlang hruaitute leh school leh College hotute leh NDRF hnenah lawmthu a sawi bawk.

 Mock drill ah hian National Disaster response Force rescue team te bakah Joint VC Saitual leh Keifang, YMA, Presyterian English School Keifang,Keifang High School,Tej Singh Middle school Keifang, Govt Saitual College leh Saitual Damdawiin atangin an aiawh thenkhat te an tel a ni.