Pu Joseph Lalhimpuia Parliamentary Secretary chuan ni 4 chhung(Ni 7-10, December, 15) khan khawchhak tlangdung fangin a tlawh kual. HlaKung Pui Mual leh Vaphai Branch YMA 70th Anniversary lawmna leh Pi pu te sulhnu hmun pawimawh leh Border Trade te a tlawh a ni.
He ta hun a hmanna-ah hian khaw mipui te chu kan pi pute sulhnu hlu tak hi humhalh tlat a tulzia sawiin Zo nun ze mawi tak kan neih tlawmngaihna te, induhsakna, hawihhawmna te, inngaihsak tawnna kan neih thin Zo ze pui mawi tak chu vawng nung zel turin khaw mipuite a chah. Hla kungpui muala hla phuahthiam te hming tarlanna lungphun zinga, a ma pu ngei Pu Liandala a tel ve chu lawmawm atih thu leh lunglen thlak a tih thu a sawi a, Hlakungpui Mual enkawltute hnenah hian a tula hman atan thilpek a hlan.
Burma leh India insumdawn tawnna tur Border Trade hmun te Pi Pu te sulhnu awmna hmun khaw hrang hrang te a tlawh bakah East Lungdar, Khawbung, Farkawn, Vaphai, Dungtlang, Leithum, Samthang, Vangchhia-te an tlawh kual nghal bawk a ni.
