475/2025-2026

Aizawl dated 6th May 2025: Vawiin chawhnu khan ni hnih cham tur a lo zin, Pi Shobha Karandlaje, Minister of State for Micro, Small and Medium Enterprises and Labour & Employment chu Lengpui Airport-ah a lo thleng a. Sihhmui, Sairang leh Ramhluna Prime Minister's Employment Generation Programme (PMEGP) hnuai a hamthatna dawngte nen inkawmhona hun a hmang.

Pi Shobha Karandlaje, Minister of State, MSME chuan Sawrkar laipui ruahmanna hnuaia hamthatna dawngtuten an khawsak dinhmun chawikan nana PMEGP hnuaiah eizawnna ngelnghet an nei thei chu lawmawm a tih thu a sawi a. Hamthatna dawngtute hmalakna a zarah eizawnna siam belh a ni chu thawktute fakawm a tih thu a sawi a. Thalaite thiamna tipung a, eizawnna ngelnghet siam belh zel chu PMEGP thil tum pawimawh tak a nih thu sawiin Sawrkar laipui scheme hrang hrang hnuai a hlawhtlinna changtu leh ram hmasawnna thlentu nih tum tlat turin hamthatna dawngtute chu a chah a ni.

Union Minister of State for MSME and Labour & Employment hi Pi Maria CT Zuali, IAS, Director, Commerce & Industry Department, Pu Ashish Modak, Director, KVIC Office, Aizawl, MSME Facilitation Office, KVIC Aizawl leh Commerce & Industries Department-a thawktuten an tawiawm a. Carpentry, Bakery, Handloom, Food Processing leh Barbar trade thlang, hmathatna dawngtute nen inkawmhona hi an nei a ni.