Vawiin khan ni 2 chhung awh tur ‘Pilot Workshop on E-Governance for Local Leaders’ Centre for Learning in ICT and E-Governance, Indian Institute of Public Administration (IIPA, New Delhi leh Department of Public Administration, Mizoram University te tangkawpin an buatsaih chu I & PR Conference Hall-ah tan a ni a. Prof. R. Lalthantluanga, Vice Chancellor, Mizoram University in khuallian niin a hmanpui.

He E-Governance zirhona hi session hnihah then a ni a. Dr. Lalrintluanga leh Dr. Lalneihzovi, Associate Professor ten an kaihruai a. Chawhma lamah Prof. Srinibas Pathi, Department of Public Administrator, Mizoram University chuan ‘National e-Governance and relevance to Citizens’ tih thupui sawiin chhimtute nen sawihona hlawkthlak tak neih zui nghal a ni. Chawhnu lamah practical in computer an zir nghal bawk.

He workshop hi Local Leaders te tana buatsaih anih angin Aizawl Municipal leh Local Council atangin member thlan bik leh consultant te, Local Administration Department leh hmun dang atangin officers an tel bawk.

Naktuk ah chuan IIPA, New Delhi atanga rawn kal mithiam ten zirtirna hun an hmang ang.