SAPE Events & Media Pvt. Ltd., Kolkata buatsaih - Zirlaite tana anmahni tui zawng zirzawmna leh eizawnna hna kawhhmuhna Career Fair ni hnih awh tur chu vawiin chawhma dar 11 khan Millennium Centre chungzawlah State Planning Board Secretary Pu P.L.Thanga, IAS(Retd)-in a hawng. Zirlaite tana zir zawmna  career fair buatsaih a ni chu lawmawm tiin Pu P.L.Thanga chuan Mizo zirlai ten, lehkha an zir zawm zelna tur leh eizawnna ngaihtuaha phai lama sum tam tak senga kal ngai lova mahni awmhmuna hetiang programme rawn chhawpchhuah a ni chu zirlai ten a hlutzia hriaa an chhawr tangkai ngei a beisei thu a sawi.

SAPE hian hetiang programme hi hmun hrang hrangah a lo buatsaih tawh thin a, kumin chhung hian Gangtok, Sikkim, Thimphu, Bhutan, Port Blair leh Siliguri ah te hman a ni tawh a, Aizawl bakah hian Itanagar, Arunachal Pradesh, Patna, Kathmandu, Nepal leh Kolkata ah te buatsaih an tum bawk a ni.

SAPE Career Fair ah hian India ram hmun hrang hranga zirna institution thahnem tak an rawn tel a, an hnuaia zir theih course hrang hrang te hrechiang duh tan a zawhfiah theih reng a ni.