Sawrkar Laipui in thinglang hmasawn nana a duan programme leh scheme hrang hrang mipui hnena puanzarna leh hrilhhriatna programme Bharat Nirman Flagship Programme Public Information Campaign (PIC) chu vawiin khan Thingsulthliah Government School Complex ah neih a ni a. He PIC hawnna inkhawm Pu M C Lianmawia, Co-Nodal Officer PIC Mizoram kaihhruaiah hian Agriculture Minister Pu H Liansailova chu khuallian niin PIC Core Committee Chairman Pu Mangjangam Touthang leh PIC Mizoram member dang ten hawna programme hi an tawiawm a ni.
Pu H Liansailova chuan mipui, a bikin thinglang lam mite tana Sawrkar Laipuiin hmachhawp leh ruahhmanna tam tak a siam leh a neih, a chhawrtu leh a tangkaipui thei tak tak te hnena hetianga hrilhriatna, sawihona, leh zawhna leh chhanna hun PIC Core Committee in a buatsaih chu lawmawm a tih thu a sawi a. Minister chuan Ram economy than zel dan sawiin, Look East Policy Sawrkar laipuiin a ngaih pawimawh em em a taka a puitlin hunah a rah Mizo mipui ten kan seng ve theih nan leh ram leh hnam damna zel turah kan in zirtir leh kan awmdan te thlenga kan vei a tul thu a sawi.
Minister chuan khawvel in a ngaihpawimawh Mizoram Sawrkar pawhin a vei em em Food Security leh Livelihood Security chhungchang sawiin buh leh bal thar tam kawngah tunlai thiamna nena kalpui a tul thu sawiin hetianga thiamna sang zawk nena lo neih a nih chuan thalai te pawhin lo neih lamah rilru an pek theih a beisei thu a sawi. NLUP chungchang sawiin Minister chuan NLUP chu khawvel pawn a vei Livelihood Security (eizawnna ngelnghet) a nih thu sawiin dik taka hman anih chuan tu leh fate thlenga eizawnna tha leh ngelnghet an rochun theih thu a sawi. NLUP tanpuina sem mek chu a chi a ni tiin a tihpun leh dik taka a hmanna ngei ah hmanga eizawnna ngelnghet siam chu mipui te mawhphurna a nih thu a sawi bawk a ni.
Minister hian Directorate of Advertising & Visual Publicity leh Directorate of Field Publicity in Photo Exhibition an buatsaih chu a hawng nghal a ni.
He PIC hawna programme ah hian Thingsulthliah, Thingsul Tlangnuam leh Seling Village Council President te pawhin thusawiin mipui kalkawmte an fuih bawk a ni.
Chawhnu lamah Technical Session I leh II chu Pu Vanlalrema Vantawl Editor 'Zalen' chanchinbu leh Pu P B Lalrammawia Jt Editor 'The Aizawl Post' ten chuan an kaihruaia a. He Technical Session-ah hian Sawrkar laipui Scheme leh Programme hrang hrang - PMGSY, RGGVY, MGNREGA, SSA MSM, IAY leh a adang te a kaihhnawih Department hrang hranga mithiamten mipui kalkhawm te hnenah an sawifiah bakah mipui lam atanga zawhna an chang nghal bawk a ni.
Minister chuan khawvel in a ngaihpawimawh Mizoram Sawrkar pawhin a vei em em Food Security leh Livelihood Security chhungchang sawiin buh leh bal thar tam kawngah tunlai thiamna nena kalpui a tul thu sawiin hetianga thiamna sang zawk nena lo neih a nih chuan thalai te pawhin lo neih lamah rilru an pek theih a beisei thu a sawi. NLUP chungchang sawiin Minister chuan NLUP chu khawvel pawn a vei Livelihood Security (eizawnna ngelnghet) a nih thu sawiin dik taka hman anih chuan tu leh fate thlenga eizawnna tha leh ngelnghet an rochun theih thu a sawi. NLUP tanpuina sem mek chu a chi a ni tiin a tihpun leh dik taka a hmanna ngei ah hmanga eizawnna ngelnghet siam chu mipui te mawhphurna a nih thu a sawi bawk a ni.
Minister hian Directorate of Advertising & Visual Publicity leh Directorate of Field Publicity in Photo Exhibition an buatsaih chu a hawng nghal a ni.
He PIC hawna programme ah hian Thingsulthliah, Thingsul Tlangnuam leh Seling Village Council President te pawhin thusawiin mipui kalkawmte an fuih bawk a ni.
Chawhnu lamah Technical Session I leh II chu Pu Vanlalrema Vantawl Editor 'Zalen' chanchinbu leh Pu P B Lalrammawia Jt Editor 'The Aizawl Post' ten chuan an kaihruaia a. He Technical Session-ah hian Sawrkar laipui Scheme leh Programme hrang hrang - PMGSY, RGGVY, MGNREGA, SSA MSM, IAY leh a adang te a kaihhnawih Department hrang hranga mithiamten mipui kalkhawm te hnenah an sawifiah bakah mipui lam atanga zawhna an chang nghal bawk a ni.
Attachment
- Loading attachment...
