Vawiin chawhma dar 11:00 khan AH & Vety Conference Hall-ah Vice Chairman NLUP Implemanting Board Pu P.L. Thanga hovin NLUP Line Department Nodal Officer-te Meeting neih a ni a. He meeting ah hian 2010 - 2011 leh kum 2011 - 2012 chhunga NLUP hmalak dan leh sum hman dan chipchiar taka sawiho a ni. Meeting-ah hian Planning Commission duh dan angin NLUP hmalak tawhna report siam dan turte sawi ho a ni a, he report hi NLUP Implementing Board-in a tunkar Zirtawpni-a Planning Commission hnena thawn thlak hman ngei turin peih fel nise an ti.
Pu P.L. Thanga, Vice Chairman, NIB chuan NLUP chu Central-in a rawn ngaihven hle thu leh tun October thla chhung ngeia Plan review pawh neih hman ngei beisei anih thu a sawi a. Planning Commission Member Secretary Pi Sudha Pillai pawhin NLUP chungchanga Tele-conference neih a duh thu leh Tele-conference neih hunah pawh Central lama Media-te leh Ministry-a official pawimawhte an tel tur thu a hrilh thu a tarlang bawk. Member Secretary, Planning Commission hi NLUP chungchanga Meeting nei turin October ni 30 ah Mizorama lokal a tum thu leh Mizoram mamawh tul dang pawh he hunah hian sawi ho a nih tur thu a sawi tel bawk.
