No.7048/2020-2021 

Mizoram Sawrkar, Planning & Programme Implementation Department hnuaia Entrepreneurship Development Centre (EDC) chuan Mizoram University Incubation Centre leh SkillEIT- Upskill for Future nena tangkawpin December ni 28, 2020 atang khan zirlaite tan Game Base Entrepreneurship Development Programme a kalpui tan. He programme hian thla khat chhung a awh ang.

Game Base Entrepreneurship Development Program hnuaiah hian a bik takin Higher Secondary School leh College zirlaiten entrepreneurship chungchang leh kalhmang game hlimawm tak hmanga an zir theih dan tur buatsaih a ni a. Tunlai hrileng avangin online kaltlanga kalpui a ni.

Mizorama Higher Secondary School leh College hrang hrang atangin zirlai 59 an tel a. Course hi Entrepreneurship atana tangkai tur thuang 12 ah then niin startup journey game, design thinking, user centric model, idea generation and validation, empathy mapping, user persona, proof of concept, building and validating MVP, business canvas, financial modelling, pitch deck leh digital microlaunch te hi SkillEIT a mithiam tak tak ten an zirpui mek a ni.