Nimin khan Planning Department leh Directorate of Economics & Statistics hotute chuan Mizoram in data leh statistics rintlak leh fel fai a neih theinan a hmalak dan tur an rel. He hun hi Pu Vanlalrema, Director, Economics and Statistics in a kaihruai a. Dr C. Vanlalramsanga, Planning Secretary chu khuallian a ni.

Planning Secretary chuan tunlai khawvel Knowledge Economy ah chuan empirical evidence based vek a Policy duan anih avangin data leh statistics rinthlak pawimawhna a zual deuh deuh dawn a, hemi hre chiang hian kan sawrkar hotuten data leh statistics fel leh dik tak nei tura hmala turin a nodal Department kan nih angin hma la tura tih an ni tih thu a sawi a. Heng data leh statistics ruahmanna atana pawimawh em em hlawm nga: (i) Coverage (huam kim tak), (ii) Periodicity (hun bi fel tak - monthly, quarterly, annually etc), (iii) Timeliness (hun bituk dik taka thehluh anih dan), (iv) Integrity (dik leh fel fai), leh (v) Quality (hman tlak) ngaihtuah ran a hmalak a tul thu a sawi.

Hemi atana hmalakna tur pawimawh hmasa ngun taka sawiho a ni a. A hnuai a mi ang hian hmalak dan tur rawtna siam nise, chu chu a tul anga Mizoram Sawrkar hotu lu ten an pawm sak tura Minister a thehluh nise an ti:

1. Data Submission Framework mumal leh huam kim tak duan a, Department hrang hrang ten data leh statistics dik leh fel tak hun bi dik taka an pek luh theihna tur duan;

2. Data leh Statistics lut khawm mumal tak leh hmatlak a siam tura systematic tak a rem khawm dan tur ruahman leh hemi atana Department structure leh thawktu siamrem ngai awm atana rawtna siam;

3. Heng Data leh Statistics te hi a hmangtu tur dik tak ten a a tul na leh tul hun taka an hmuh theihna tur atan Data leh Statistics Dissemination Standard duan te a ni.

4. Statistics danglam bik, Central lam a guidelines/criteria siam hrang hrang awm avanga data hrang hrang neih (entirnan BPL) ang chi atan guidelines hrang hrang zawm chung si a, data pakhat siam tura hmalak anih theihnan a phalna lak dil nise tih a ni bawk.

He meeting-ah hian Pu Ngunlal Chinzah, Principal Adviser (Planning) leh Pu Saihlira, Adviser (Planning) pawh an tel a ni.