Vawiin khan Planning Department leh I&PR Department tangkawpa buatsaih ‘Workshop on New Economic Development Policy (NEDP)’ chu Planning Secretary Dr.C.Vanlalramsanga hova neih a ni a. He Workshop-ah hian sorkar-in NEDP a kalpui tum dan leh hmachhawp hrang hrang inhrilhfiahna hun hman a nih bakah NEDP hnuaia programme leh scheme-te mipui hnena a zau thei ang bera puanzar dan tur an sawiho.

NEDP  hi bultan  leh tlangzarh anih tawh avangin  hnathawh pawh chak zawka chhunzawm tur anih thu Workshop kaihruaitu Dr C. Vanlalramsanga chuan sawiin meeting hi vawi khat  mai ah a tawk dawn loh thu leh  sawiho turin  Planning leh I & PR te chu  zing zawka inhmuhkhawma ngai a ni a ti a. NLUP nen inzul  hle mahse  ngaihpawlh tur a ni lova, NEDP hi mimal  tan bik  mai nilovin, mipui chhawr  tur a kalpui tur a ni a, hnathawk tu tha, thawk tha peih - Tang puihna tur a nih thu a sawi.

Planning Department atangin  Pu Saihlira Principal Adviser  leh  Dr Lalrinchhana Deputy Adviser  ten  NEDP sawihawnna leh sawizauna power point presentation hmangin an nei a. Mipui in zau zawka an lo hriat theih na tur in Web site www.planning.mizoram.gov.in an siam chu peih fel tep  tawh a nih  thu an sawi.

I &PR Director Pi Lalnithangi; Joint Director Pu David L.Thangliana  leh Pi Lallianpuii te pawhin thu sawiin   NEDP atan  I & PR  Department  chu  inhawng in a inpeih tih an sawi bawk a ni.

Mizoram sorkar NEDP hnuaia din Mizoram State Entrepreneurship Development Monitoring Committee (MEDMOC) leh IIM Calcutta-Innovation Park (IIMC-IP) tangdun chuan Mizoram-a awmze nei zawk leh zau zawka sumdawnna kalpui a nih theih nan ‘Mizoram Kailawn’ chu an kalpui tan ta a. Mizoram Kailawn kaltlang hian MEDMOC chuan kan ram chhung ngeiah entrepreneurship hmasawn hi a tum a ni. Hemi hnuaiah hian a vawi khatna atan Mizoram-ah ‘Business Plan Contest’ leh ‘Entrepreneurship Summit’ neih a ni dawn a, hemi atan pawh hian Planning Department leh I & PR te chuan theihtawp chhuah ho nise tih an rel.