Kum 2017 chhunga Rastrya  Swasthya Bima Yogana (RSBY) Review Meeting  hmasa ber chu vawiin khan H&FW Commissioner & Secretary Pu Lalrinliana hovin Synod Conference Center, Aizawl-ah neih a ni a. He hunah hian Mizoram hmun hrang hrang atanga RSBY kaihnawih officials, staff thawkte leh RSBY Bill theihna Private Hospital aiawhte tel tha hle a ni.

Vawiina review meeting-ah hian H&FW Principal Director Dr.K.Ropari leh H&FW Director & offcials te bakah Insurance Company lam atangin NIC Manager Pu John Rymbai leh a thawhpuite an tel bawk a. Chawhma lamah Hospital hrang hrangten Insurance hotute nen an harsatna tawhte an sawiho a, Medical Bill engemaw zat la tih fel lohte chinfel vat dan turn an sawi bawk. Mipuite pawhin nasa lehzual zawka he hamthatna awm hi an chhawr theih nan tanlak a ngaih thu sawi a ni.

RSBY leh Health Care Scheme hi kum 2010 atang khan kalpui kawp tan a ni a. Kum 2016-17 chhung khan damlo mi 24824-in an chhawr tangkai a, an inenkawlna senso sorkarin a tum sak zat chu Health Care hnuaiah Rs.14,53,40,182 leh RSBY hnuaiah Rs.10,14,24,247 a ni a. Nikum November 2016 thleng bill thehluhte chu chinfel sak vek a ni tawh a; tunah hian pending bill 833 awmin, Rs.24485211/- pek chhuah tur a la awm a ni.

Chawhnu lamah Medical Officer te, District Co-ordinators, RSBY Operator-te tan ‘Data Collection’chungchang training neih chhunzawm nghal a ni.