Planning & Programme Implementation Department chuan a hnuai ami ang hian thuchhuah a siam :
Mizoram sawrkar chuan official data leh statistics rintlak leh dik ruahman turin chak takin hma a la mek a. Official data dik leh rintlak neih hi policy mumal tak siam anih theihnan leh kan ram dinhmun dik tak kan hriat theihnan leh hmasawnna kawng zawh nan a pawimawh a. He hna pawimawh tak atan hian Mizoram mipui zawng zawng lungrual taka kan thawh ho a pawimawh hle a ni.
Sawrkar hmalak mekna zinga pawimawh tak, Mizoram chhunga rethei dinhmun dik tak hriat anih theihnan Mizoram sawrkar (Planning & Programme Implementation Department, Directorate of Economic and Statistics) chuan BPL Baseline Survey Mizoram pum ah a kalpui mek a. He hna hi September 2016 a thawh zawh vek tura ruahman a ni. He hna chak leh dik taka thawh anih theihnan State level, District level, leh khua/veng level a monitoring committee hrang hrang din a ni a. Heng committees ah hian tlawmngai pawl hrang hrang sawmbik pawh tel tura beisei an ni. Mipuite’n he committee thahnem ngai taka lo tanpui turin Economics & Statitsics Department in kan sawm tak meuh che u a ni.
BPL baseline survey nan hian tehfuh fel tak ruahman anih avangin BPL nilo list ah hian dah theih a ni dawn lo a. Tehfung hmanga BPL list siam tur anih avangin rethei tak tak, mahni a intungnung zo lo bak te hi BPL huangah khung luh theih a ni dawn lo a. Tanpuina beisei avanga BPL nilo, BPL list a khung ve mai a rem tawh dawn lova. BPL dik tak nilo, list a lo awm palh hlauh an awm pawhin, list en fel anih hnuah thil zahthlak tawp a ni dawn a, mi tin fimkhur hie turin kan in hriattir nghal bawk a ni. Pathian leh Sawrkar zarah BPL kan ni lo thei hlauh hi lawmna tur a ni a. BPL ni si lova BPL lists a awm hi Mizo tan thil zahthlak a ni tih h pawm ila, kan nihna dinhmun dik tak theuh hi he baseline survey ah hian I ziah luhtir ang u.
He hna pawimawh tak hi, Mizoram dinhmun dik tak hriat theihna tur lei chumi atanga Mizoram a rethei te chawikanna atan hna thawh dan tur dik leh fe taka ruahman anih theih nan, a pawimawh em avangin data dik leh rinthlak kan neih theih nan a thahnemngai taka sawrkar tawiawm turin mipui kan sawm a ni.
