1560/2023-2024

Champhai the 18th August, 2023 – Vawiin khan Planning & Programme Implementation Secretary, Pu Lalmalsawma Pachuau, IRS chuan Keifangtlang, Champhaiah SEDP kaltlanga ruahman District Research Officers’ Quarters, Champhai a hawng a ni.

Hawnna inkhawm Pu B. Lalrinhlua, Director, Economics & Statistics Department kaihhruaiah Planning & Programme Implementation Secretary Pu Lalmalsawma Pachuau chuan thu sawiin Economics & Statistics Department-in ruhrel thar tha tak an nei chu hmasawnna duhawm tak a ni tiin, thahnemngai taka buaipuitu Department officials te chungah lawmthu a sawi a. Quarter sakna tur ram phal taka lo ruahman sak tu Champhai DC leh a thawhpuite chungah lawmthu a sawi bawk a ni.

Economics & Statistics Department chu khawtlang tan an hnathawh a pawimawh takzet thu sawiin, Department in data leh statistics a tih chhuah te chu Mizoram sawrkar Department hrang hrangten an hman tangkaiin an rawn fo thin avangin thawktute chu an data lak khawm leh buatsaih kawngah te pawh uluk taka hnathawk thin turin Secretary chuan a chah a. An hnathawhna kawngah Department dangte, tlawmngai pawlte leh khawtlang hruaitute nena tangrualin thawhhona tha tak nei zel tura tan la turin a chah bawk a ni.

Pu Lalthlamuana Fanai, DRO Champhai chuan Technical Report a pe a. DRO Champhai Quarter hi SEDP sum cheng nuai 28.92 kaltlanga ruahman niin, a zau zawng hi 1302 sq ft a ni.

Vawiin program-ah hian sawrkar official-te bakah Sub Hqrs YMA Champhai, MUP leh MHIP hruaitute an tel a. Pastor C.Lalchhuanawma, PCI Champhai Kahrawt bial chuan hunserh hmangin Pi Ngurbiakkimi, Deputy Director, Economics & Statistics Department chuan lawmthu sawina hun a hmang a ni.