3612/2024-2025

Aizawl, 19.12.2024: Vawiin chawhma khan Tourism Minister Pi Lalrinpuii hmaah PM Ekta Mall, Chawnpui Veng a sak tura Executing Agency ni turin Mizoram Tourism Development Authority, Tourism Department, Government of Mizoram chuan HLL Infra Tech Services Ltd. (HITES) te chu Memorandum of Agreement (MoA) a ziahpui. Hemi rual hian Mizoram Tourism Development Authority, Tourism Department, Government of Mizoram leh IIFCL PROJECTS LIMITED, New Delhi te chuan PM Ekta Mall chungchangah vek hian Project Management Unit (PMU) Service turin Memorandum of Agreement (MoA) an ziak bawk.

PM Ekta Mall hi SASCI 2023-24 Part VI (Construction of PM Ekta Malls) atangin Ministry of Commerce & Industry hnuaia sanction hmuh niin. India ram State leh Union Territory zawng zawnga sak vek tura ruahman a ni a Project cost hi Rs. 127.00 Crore niin, kum 3 chhunga sak zawh tura ruahman a ni. PM Ekta Mall-hi mahni kutkawih a eizawng entrepreneurs, artisans leh weavers te tana an inphochhuahna atana siam niin, local product bakah One District One Product (ODOP), Mizoram a GI product awm te leh, India ram state hrang hrang handicraft product te lei theih tura pho chhuahna tu hmun tura ruahman a ni.

Executing Agency turah thlan HLL Infra Tech Services Ltd. (HITES) te hi Ministry of Health and Family welfare, Government of India hnuaia HLL Lifecare Limited (A Mini Ratna PSU) 100% subsidiary a ni a. IIFCL PROJECTS LIMITED (IPL), New Delhi te hi 100% Government of India undertaking an ni bawk a ni.