Pradhan Mantri Awas Yojana – Housing for All (Urban) kalpui mekah, Urban Development & Poverty Alleviation Department chuan Aizawl khawpuiah Ministry of Housing & Urban Poverty Alleviation in a approve tawh chinte Geo-Tagging turin pawnlam mi Surveyor a ruai dawn a. Heng Surveyor-te zirtir na hun leh a Mission kalphung te, MIS leh GIS hman tangkai dan te leh, Monitoring a Surveyor te hna tur hrilhfiah na hun vawiin khan I&PR Conference Hall-ah neih a ni.

He Training ah hian PMAY:HFA (U) Overview & Current Status in Mizoram chungchang Pu Michael Lalneihtluanga, IEC Specialist UD&PA Dept chuan a sawi a. Pu Lalfakzuala, MIS Specialist, UD&PA Deptt hnen atangin MIS & GIS Integration leh Geo-Tagging process workflow chungchang ngaihthlak niin, Project Monitoring and Implementation chungchang Pu Benjamin Lalnunsanga Colney UI Specialist chuan a sawi bawk. Heng bakah hian Practical field training State Level Technical Cell neih a ni.

Geo-Tagging hi Monitoring System changkang tak niin, Mizoram ah chuan a hmasa ber pawl a ni a. Beneficiary-te hi Central Ministry in heng Geo-Tagging hmang hian a monitor pui dawn a ni. PMAY: HFA (U) Mission atan hian Bhuvan HFA mobile application siam thar a ni a, chumi hmang chuan PMAY MIS leh ISRO Bhuvan portal thlunzawm a ni a. Beneficiary thlan te hming chu Bhuvan HFA mobile app atangin an thlang (select) ang a, in sak construction stage hrang hrang vawi nga he Bhuvan HFA app hmang hian an Geo-tag dawn a ni. In sak hna tan a ni atang a sak zawh fel vek a nih thleng in Geo-tagging technology hmang hian insak hi vil vek a ni dawn a ni.

He Training Programme for Aizawl City Geo-Tagging Under PMAY: HFA (Urban) hi Pu R.L. Zidinga, Deputy Director (P), UD Deptt. in a kaihruai a, Pu HVL Zarzoenga, Joint Director (P), UD&PA Deptt. leh State Nodal Officer ni bawk chuan he Mission hi tuna Urban Mission a lian ber pawl a nih thu leh, a mission hlawhtlina atan a pawimawh ber chu Surveyor te an nih thu a sawi a ni.