Vawiin chawhnu khan Champhai DC Conference Hall-ah Pradhan Mantri Awaj Yojana (PMAY) Housing for All chungchangah strict Screening Committee an thukhawm a. He hun hi DC Pu Vanlalngaihsaka'n kaihruaiin, Champhai District chhung khawpui a awm, chenna in neilote Pradhan Mantri Awaj Yojana (PMAY) kal tlanga tanpuina (hamthatna) diltute dilna thlitfim a ni.
He thutkhawmah hian District chhunga khawpui a cheng he hamthatna pek dan tur chi hnih Beneficiary-led Construction (BLC)dawng tura diltu chhungkaw 682 leh Credit Linked Subsidy Scheme (CLSS) hnuaia diltu 4145, an vaiin chhungkaw 4827 te dinhmun chu a hmunah chik taka enfiah hmasak a ni a. Endiktute hmuh dan zulzuiin, chhungkawtinte uluk tak a thlir chungin tanpui tlak ni a ngaihte District Screening Committee chuan a thlang fel nghal.
PMAY hamthatna dawng thei tur hian Beneficiary -led Construction (BLC) kaltlangin chhungkawtin hnenah Rs 150000.00 (Cheng nuaikhat/signga) pek tur a niin, diltu chhungkaw 4145 an awm a. Credit Linked Subsidy Scheme (CLSS) erawh Bank atanga a pung 6.5% awmin, kum khata Rs 300000/- lalut phalo (Economically Weaker Section) insakna tur Loan Rs 300000.00 (Cheng nuai thum) leh kum khat a Rs 300000-600000 lalut (Low Income Group) thei chhungkaw tan Rs 600000.00 (Cheng nuai ruk)a puk theih turin ruahmanna siam a ni thung a. He hamthatna hnuaia diltu chhungkaw 682 te dilna pawh vawiin thutkhawmah hian thlitfima ni bawk.
Khawpui a cheng chhungkawtinten chenna in an neih vekna tura duan Pradhan Mantry Awas Yojana (PMAY), Housing for all (HFA Urban) 2022 Mission chu UD&PA Department kaltlanga Mizoram a kalpui mekah Mizoram khawpui hrang hranga chhungkaw 1000 te tuamtura ruahmanna siamah Champhai District chhung khawpui a cheng chhungkaw 80 te chu a thawh khatna atan 2015-2016 sorkar kum hmangin Beneficiary-led Construction leh Credit Linked Subsidy Scheme hmanga thlanchhuah a ni a. 2016-2017 sorkar kum hman mekah pawh kalpui zel a ni.
District Level Screening Committee chuan Champhai a Bank pali (SBl, MCAB, MRB leh Canara bank) kaltlanga a thlan fel tawhte pawh Champhai Town Area chhunga in 2417 Detail Project Report (DPR) siam a ni tawh a. He hamthatna dawng thei tur tehfung chu India khua leh tui dik tak, mahni chenna hmun/ khua-ah 2014 atanga chhiarlet a kum nga (5) tal awm tawh nih a ngaih bakah sorkar programme dang hmanga insak tanpuina la dawnglote chauh he hamthatna dawng tur hian thlan a ni.
