Vawiin chawhma Dar 10 khan Champhai Govt. College Seminar Hall-ah PMEGP Beneficiary 2013-2014 training pawimawh tak neih a ni.

He training pawimawh tak hi Pu Zaithanmawia Executive Officer Mizoram KVI Board in a kaihruai a, thusawiin trainning te hnenah KVI awmzia leh a lo in tan dan te a sawi a, ram intodelh ni turin hruaitu ropui Mahatma Gandhi thahnemngaihna leh rawtna atanga lo chhuak a nih thusawiin, tun thleng in sawkar chuan a ngaipawimawh hle a ni. Chuvangin he bultanna tur atan sawrkar pawhin loan a pe chhuak thin a ni a ti.

Principal Govt, Champhai College pawhin thusawiin, miharsa leh bul tanna rem changloten lei rem an rah theihna tura hetianga sawrkar in Loan chi hrang hrang lak a phal hi a lawmawm hle a, chutih rual chuan Loan hi kan rul tha tur a ni. Loan latuten kan rul tha lo a nih chuan midangte tan harsatna kan siam thei a ni a ti. Rinawm leh dik taka hna thawkin chhungkua leh ram hmasawn nan hnathawk turin a chah bawk. He Trainning-ah hian champhai huam chhunga KVI Loan la tu te an kal tha hle.

He trainning hian July 1 - 11, 2014 chhung a awh ang.