Mamit District chhunga Prime Minister Employment Generation Programme (PMEGP) Loan 2015-2016 hmutute tan vawiin khan I&PR Conference Hall, Mamitah training (29th Feb-5th March 2016) neih a ni a, Pi Lalbiaksangi District Bawrhsap chuan khuallian niin training hi a hawng.

District Bawrhsap Pi Lalbiaksangi chuan tun hma lam chuan Loan la a, rul tha duh lo mizo mipuite zingah kan awm thin a, tunah chuan Bank lama thawktute an fimkhur tawh hle a, Loan hi rulh lo thiang lo a ni a ti, PMEGP Loan diltu te chu fuihin thawhrimna, chhelna te hian hlawhtlinna a thlen thin a, mahni tui zawng leh thiam zawng tak thlang a, hmala tur in nih avangin taima taka tan in lak ka beisei a ni a tiin tuna Loan hmu tur te hian in tih that loh chuan kum kal zel tura he scheme hmanga loan pekchhuah hi a nghawng thei dawn a, chuvang chuan midangte tana harsatna siamtu nilova, tluang taka a kal zel theihnan tha taka Loan rul turin Training te a fuih a ni.

Training hawnna Programme hi Pu C. Vanlalruata, Executive Officer/DVIO Mizoram KVI Board chuan kaihruaiin PMEGP Loan hmute tan hian tum dangah chuan Aizawl lamah training buatsaih thin a ni a, trainers te tan a awlsam zawk nan Mamit District tan Mamitah buatsaih a nih tak thu a sawi a, chuvang chuan thahnem ngai taka training turin kalkhawm te a chah a ni.

Training hian February 29th - 5th March thleng a awh dawn a, eizawnnan a Loan hmute tana subject thlan bik hrang hrangte mithiamten an zirtir thin dawn a ni.