Nimin (27.2016) khan Pu PC.Lalthanliana, Social Welfare Minister chuan MUP Zotlang Unit Anniversary Vawi 40-na Ruby Jubilee Pu.C.Kapthuama in Zotlang ah a hmanpui.

He inkhawm hi Upa JT.Kima President, MUP Zotlang Unit chuan kaihruai in, khuallian Pu PC.Lalthanliana, Social welfare Minister chuan thu sawiin Vawiin ni a he hun lawmawm tak hm ang thei a kan awm hi a lawmawm hle ani ati. Upa te hi an hlu a kan ram leh hnam ti ropui a ti hlu tu an ni a chawimawi hi an phu a, Social welfare department pawhin upa te kum 100 chin chunglam la dam te hnen ah kumtin cheng sangkhat leh certificate an hlan thin ani a ti bawk. Pu Mathana chuan kan State hi state dang te ang in thawhchhuah kan nei lova Central atang a kan sum hmuh hi kan ring a, kan sum hmuh te hi a tangkai thei ang ber a kan hman a tul ani a ti a. Mizoram Sawrkar hian mipuite a hmangaih a buhfai, electric leh thildang state pawn atanga lak luhna ai a tlawm in mipuite a pe a, khawtlang hmasawnna pawh theih ang tawk in kan thawk a kan tih theih chin ah hian duhthusam nilo mahse kan lungawi thiam a ngai ani a ti.

MUP Zotlang Unit Anniversary ah hian kum 90 chin chunglam mi 5 hnen ah lawmman an pe a, nupa tuak khat hnen ah Golden Jubilee certificate an hlan a, Silver Jubilee certificate hi nupa tuak 7 hnen ah an hlan bawk ani.