Vawiin khan Prime Minister’s Employment Generation Programme (PMEGP) hnuaia Aizawl District chhunga Loan diltute tan Interview neih a ni a. Addl. DC Pu Lalchungnunga leh Pi Angela Zothanpuii, Addl. DC te office chamber-ah neih a ni a. Bank kaltlanga Loan diltu mi 2701 an inlan.

Kum 2014-2015 chhunga PMEGP Loan diltute hi an tam tham hle a, nitin interview hi neih a ni ang a, August thla chawlhkar hmasa ber chhunga zawh hman tum a ni. KVIC hnuaiah mi 110-in loan hi an dil a, KVIB hnuaiah mi 225 leh DIC hnuaiah mi 1366-in an dil a ni. PMEGP Loan atan hian Central sawrkar chuan Margin money Rs. 1210.87 lakhs a tum a, interview hi Rural leh Urban then hranga neih a ni.