Vawiin Dt.17.7.2014 hian PWD, Lunglei Circle hnuaia Division 4 (pali) Lunglei Division, Tlabung Division, Lawngtlai Division leh Saiha Division hnuai a Office zawng zawng leh PMGSY Contractor zawng zawng te Circuit House, Conference Hall Lunglei ah Er. K.Lalsawmvela, Chief Engineer (Road) )PWD, Mizoram in Contract Management Meeting a neihpui.

He meeting ah hian tun a PMGSY hnuaia hnathawh mek leh hmalakna te thlir ho a ni. Chawhma lamah Contractor leh Officer ho inkhawmin chawhnu lamah Field Staff, SA a chin chunglam zawng a hrana Meeting neih leh a ni. Contractor ten an hmalakna hrang hrangte leh harsatna te report an pe a. Hna tha zawk leh fel fai zawk a kalpui zel dan tur te uluk tak a sawiho a niin Officer leh Contractor ten an hlawkpui hle. Chief Engineer chuan, PMGSY hna kalphung tlangpui sawifiahin, Contractor te chu an hnathawh dan a zir a sawrkar chawimawi a timualpho thei an nih thute, an thawh that chuan hna dangin a hmuak teuh a ni tih te, Contract agreement ngun taka zir a an dikna hre tur te, an sum thawhchhuah chu hna lian zawk thawk thei tur a hmanraw lei nana hmang thin tur te’n a chah a. Thawk tha lo chunga hotu liante tlawhchhan a Field Staff te nek lo tur leh, kawng tha neih nana mawhphurtu, Mizoram hmel tilangtu an ni tih hre reng turin Contractor te a ngen bawk.

PWD Field Staff te hnenah a hran a thu sawiin, Er.K.Lalsawmvela, CE chuan neitu rilru pu chunga hnathawk tur te, supervision leh quality control tha tak ti tur te, an diknaah chuan huai tak a thawk a tumah hlau lo tur in a fuih a. Mipui tana thawk an ni tih hre reng tur leh mipui leh Contractor harsatna thlen zawng a thawk lo tur te, PWD manual leh contract document te ngun taka zir thin turin a fuih a. Sawrkar policy ti hlawhtling turin theihtawpa an mawhphurhna hlen chhuak a, midang te tan malsawmna ni theuh turin a chah a ni. Chak zawk leh tha zawk a hnathawh dan tur an sawiho bawk.