May ni 10, 2018 khan Labour, Employment, Skill Development & Entrepreneurship Department buatsaihin Workshop on PMKVY – Centrally Sponsored State Managed (CSSM) Component in Mizoram chu Aijal Club ah neih a ni.

PMKVY 2.0 hi Prime Minister Flagship programme pawimawh tak a ni a, thalai tam takin eizawnna tling hnathawh tur an hmuh theih nan skill training changtlung tak neih tir a tum a. Mizoram bikah LESDE Deptt. hnuaiah Training Provider 28  te chu empanel an ni tawh a, Central Sawrkar atangin he programme kalpuina turin Rs.564630.00 pawh dawn a ni tawh a ni. PMKVY hnuaiah hian kum 2020 thlengin thalai 36771 skill training pe tura hmalakna kalpui mek a ni bawk.

Workshop-ah hian National Skill Development Corporation (NSDC) hnuaia North East Consultant Pu Masotmi Zimik leh Pi. Nishtha Vengurlekar ten Training Provider te tana hriat tur pawimawh an sawi bakah Skill Management & Accreditation of Training Centres (SMART) Portal leh MIS/ Skill Development Management System (SDMS) hman dan tur Mr. Gaurav Dhiman (SMART) leh Mrs. Anita Gupta (SDMS) ten an zirtir a. RPL(Recognition of Prior Learning) chungchang zirho a ni bawk.  

Pu Lalhmunsanga Hnamte, Director, LESDE Deptt. chuan workshop hi kaihruaiin Empanelled Training Provider 28 atangin member 2 theuh an tel a ni.