No.7633/2020-2021

Vawiin khan East Lungdar ICDS Project chuan Prime Minister's Flagship programme hnuaia raipuar leh nau neite tanpuina "Pradhan Mantri Matri Vandana Yojana (PMMVY)" hnuaia National Best Performance Award & Best Implementation Award an dawn chu BRC Hall, East Lungdar-ah an lawm.

Award lawmna inkhawmah hian East Lungdar BDO Pu H.Lalhruaitluanga chu khuallian niin, Pi Zoramthangi Chhangte, Dy.Director, State Nodal Officer PMMVY bakah East Lungdara sawrkar hnathawkte leh NGO hruaitute an tel a ni.

Khuallian Pu H.Lalhruaitluanga chuan East Lungdar ICDS Project in National Award an dawng thei chu chhuanawm a tih thu sawiin, award an dawn chu anmahni fuih chaktu ni a hmasawn zel turin a fuih a ni.

Pi Zoramthangi Chhangte, State Nodal Officer chuan tehfung chi hrang hrangah Anganwadi workerte, ICDS staff leh PMMVY staff ten theihtawp an chhuah avangin he award hi an dawng theih tih a sawi a, award dang pawh la zel thei tura tang turin a fuih bawk

Sorkar official hrang hrangte leh NGO hruaituten lawmpuina thu an sawi bawk a ni