Police Commemoration Day chu vawiin khan 1st Bn.MAP Field, Armed Veng ah Director General of Police (DGP) Thianghlima Pachuau hova hman a ni.

Ni 21s October, 1959 khan Ladakh a Police Post chu China sipai ten an la a. Police mi leh sa mi 9 (pakua) an kaphlum a. He ni hi ram tana nun petu Police-te hriatreng nan "Commemoration Day"-ah sorkar laipui chuan ram pumah kumtina hman turin a rel a. Hemi ni zing dar 8-ah hian India ram State Capital-ah leh District Hqrs.-ahte commemoration Day Parade neih a ni thin a, India ram pum a Police duty laia thi te hming chhiarchhuak in anmahni hriatrengna leh sunna urhsun taka hman a ni thin.

India ram state hrang hrang-ah ni 1.9.2014 atanga 31.8.2015 chhunga thite an vaiin mi 443 an ni a. Kumin chhung hian Mizoram Police bik ah thi 3 (pathum) an awm a, heng mitthi te hi dt.28.3.2015 a Zokhawthiang bula HPC 'D' ten anlo lambunna a nunna chante kha an ni, chungte chu - S.I. Zoramthara Khawlhring, Aizawl DEF; D/G-III C. Lalchuailova, Aizawl DEF leh C/673 Hmangaihmawia, 1st Bn.MAP te an ni.

Mizoram-ah pawh vawiin October 21 zing dar 8-ah hian Aizawl-ah leh District Hqrs.-ah te Commemoration Day Parade hi neih a ni a. Aizawlah chuan DIG (Northern Range) in ni 1.9.2014 atanga 31.8.2015 chhunga India rama police mi 443 duty laia nunna chante hming chhiarchhuakin urhsun taka Police Parade, Police thi te sun nan neih a ni.

Mizoram Police duty laia hmelma kut tuara thite hriatrengna "Martar Thlan" 1st Bn. MAP Hqrs.-a siamah DGP leh Police Officer dang ten pangpar an dah nghal bawk.