Vawiin hi khawvel puma Iodine tlakchham avanga natna awm thei dona ni Global Iodine Deficiency Disorder Day a ni a. He ni hi India ram hmun dangte rualin Mizoram ah pawh hmun hrang hrang hrangah hman a ni.

Aizawl-ah chuan JL Higher Secondary School-ah hman a ni a. He hun hi Upa Ngurthantluanga, Teacher JL HSS in kaihruaiin hunserh a hmang nghal a.

Dr. Chawngthansiami, Programme Officer (IDD) in Iodine tlakchham vanga natna awm theih dan zirlaite a hrilhfiah a. Iodine Test Demonstration a nei nghal bawk a ni. Dr. Chawngthansiami Report in a tarlan danin tunah hian kum 5 dan zelah naupang kum 6-12 inkar survey neih thin a ni a. Report hnuhnung bera a lan danin Mizoram-ah hian awrpuar za zelah 5.8 an awm a, hei hi za a 5 hnuai lama tlakhniam tir tum a ni. Hemi atan hian mitinin Iodine chi chauh kan ei theih nan zirtirna pek kan ni a. Mizoram hi India rama Iodine chi ei tha ber pawl niin, Chhungkaw 100 ah 96 velin Iodine chi kan ei thin ni a hriat a ni. Tunah hian za ah za in kan ei theih nan tan lak mek a ni.

Hemi hnu hian JL High School naupang group 3-ah then ten zawhna chhangin inelna siam a ni a. Lawmman semna neih nghal a ni.

Heng bakah hian Mizoram district leh CMO huam hmun hrang hrangah Global IDD Day pual hian programme buatsaih a ni.