Vawiin hian Lawngtlai District Swachh Bharat Missions (Gramin) buatsaihin Kawlchaw West khuaah FAINA INZIRTIRNA hun (Rally) buatsaih a ni a, Lawngtlai Addl DC Pu R. Lalsangluaia leh District Swachh Bharat Missions (Gramin) Committee member ten an hman pui.

Swachh Bharat Missions (Gramin) hmalakna kal zelah Lawngtlai District chuan thingtlang khaw thlanbikah Swachh Bharat chungchang inhrilh hriatna leh khawchhung thianfaia hnatlang beihpui neih nise tia a lo rel angin he hun hi buatsaih a ni a. Kawlchaw West khawtlang mipuite chu Swachh Bharat hmalakna hrang hrangte zirtirin a thiltum te inhrilhhriatna neih a ni.

Chumi hnuah khawtlang huap faina hnatlang neih chhunzawm nghal niin Kawlchaw West khawchhung kawngpui dung leh Chhimtuipui Lei (Bridge) tihfaina neih nghal a ni. Hei bakah hian ekin sak sak turte thlanchhuah dan tur leh an khaw tana Bawlhhlawh paihna siam dan tur khawtlang hruaitute nen sawiho nghal a ni bawk.

He hun hmanpui tur hian District Swachh Bharat Missions Committee Chairman Pu R. Lalsangluaia, Addl DC leh Mamber Secretary Pu Ngentluanga Sr. EE PHE, leh member dang Chief Medical Officer Dr. HC Thangkima, District Education Officer atangin Pu Vanlaltanpuia leh Pu K. Saitluanga, District Information Officer te an tel a ni.

Lawngtlai District Swachh Bharat Gramin (Rural) Missions hian kumin chhungin ekin neilo chhungkaw 780 te sak zawh sak hman tumin hma a la mek a, khaw 3 tan bawlhhlawh sawngbawlna hmun bik siam sak hman a tum bawk a. Faina lama inzirtirna a tam thei ang ber neih tumin hma a la mek bawk a ni. Zanin pawh hian Live Telecast High School Level Debate a buatsaih dawn a, High School zirlai naupang ten Faina chung chang inhnial fiamna an nei ang. Lawngtlaia Cable TV pahnih, KT Vision leh Skynet ten live in an pe chhuak dawn a ni.

Attachment

  • Loading attachment...