October ni 21, 1959-a China sipai ten Ladakh-a Police Post an rawn lak a Police mi leh sa mi 9 (pakua) an kah hlum hriatreng nan leh ram tana nunna pe Police-te hriatreng nan he ni hi India Sorkar chuan “Commemoration Day”-ah puangin kumtin ram pumpuiah hman thin a ni a. Mizoramah pawh tukin zing dar 8 khan Aizawl-ah leh District Headquarter-ah he ni hi hman niin, Commemoration Day Parade neih a ni.

Commemoration Day Parade hi India ram State Capital-ah leh District capital-ah te neih niin, ram puma Police duty laia thite hming chhiarchhuakin anmahni hriatrengna leh sunna urhsun taka hman a ni thin. India ram state hrang hrang-ah ni 1.9.2016 atanga ni 31.8.2017 chhunga thite hi an vaiin mi 370 an ni a, kumin chhung hian Mizoram Police zingah duty laia thi an awmlo a ni.

Aizawl-ah chuan he Commemoration Day Parade hi Martar Thlan, 1^st Bn.MAP Heasquarters, Armed Veng-ah DGP, Pu Thianghlima Pachuau hova urhsun taka hman a ni a, “Martar Thlan” ah hian DGP leh Police officer dang ten pangpar an dah nghal bawk.