Vawiin chawhma dar 8:00 Am khan Lunglei Police te chuan  kum tina an lo tih thin dan angin kum khat chhunga Police mi leh sa duty laia thite hriatrengna hun “Police Commemoration Day, 2017” chu 2nd Bn.MAP hmun Luangmual-ah Lunglei SP Pu Lalthafamkima Jongte hovin urhsun takin an hmang.

He hunah hian kumin chhunga India rama Police leh Sipai duty laia nunna chante sunna hun hman a ni a, India ram pumpui ah kumin chhunga (1.9.2016 to 31.8.2017) Duty laia nunna chan zat chu mi 370 an awm tih report a ni. Mizoram bikah chuan kumin chhungin Police leh Sipai duty laia thi an la awm loh thu tarlan a ni bawk a. Police ram tana nun pete hriatrengna hunah hian Commemoration Day Parade leh inkhawm tawi neih niin Police mi 370 duty laia nunna chante hming chhiarchhuah a ni bawk.

He hunah hian Lungleia Police hotute leh 2nd Bn. MAP a awm zawng zawng te an tel a ni.
Ni 21st October, 1959-ah Ladakh a Police Post China sipai ten an rawn la a. Police mi leh sa mi 9 (pakua) an kaphlum a. He ni hi Police ram tana nun pete hriatreng nan “Commemoration Day”-ah India Sorkar chuan ram pumpuiah kumtin a hman turin a rel a. Hemi ni zing dar 8:00 ah hian India ram State Capital-ah leh District Hqrs-ahte commemoration Day Parade neih a ni thin a, India ram pum a Police duty laia thi te hming chhiarchhuak in anmahni hriatrengna leh sunna urhsun taka hman a ni thin.

Attachment

  • Loading attachment...