Ni 21st October, 1959-ah Ladakh a Police Post China sipai ten an rawn la a. Police mi leh sa mi 9 (pakua) an kaphlum a. He ni hi Police ram tana nun pete hriatreng nan “Commemoration Day”-ah India Sorkar chuan ram pumpuiah kumtin a hman turin a rel a. Hemi ni zing dar 8:00 ah hian India ram State Capital-ah leh District Hqrs-ahte commemoration Day Parade neih a ni thin a, India ram pum a Police duty laia thi te hming chhiarchhuak in anmahni hriatrengna leh sunna urhsun taka hman a ni thin.

India ram state hrang hrang-ah ni 1.9.2011 atanga 31.8.2012 chhunga thite an vaiin mi 566 an ni a. Vanneihthlak takin he kum chhung hian Mizoram Police bik ah thi kan awmlo a ni.

Mizoram-ah pawh nimin October 21 (Pathianni) zing dar 8:00 ah hian Aizawl-ah leh District Hqrs.-ah te Commemoration Day Parade hi neih a ni a. Aizawl ah chuan he Commemoration Day Parade hi 1st Bn.MAP Field, Armed Veng ah ADGP Mizoram Pu A.K. Patnaik hova hman a ni a. Pu Zorammuana, IPS, DIG (Northern Range) in ni 1.9.2011 atanga 31.8.2012 chhunga India rama police mi 566 duty laia nunna chante hming chhiarchhuakin urhsun taka Police Parade, Police thi te sun nan neih a ni.

Hemi hnu hian Mizoram Police duty laia hmelma kut tuara thite hriatrengna “Martar Thlan” 1st Bn. MAP Hqrs.-a siamah DGP leh Police Officer dang ten pangpar an dah nghal bawk.