3790/2024-2025

Siaha the 14th January 2025: Siaha District Addl Superintendent of Police Pu Beimosia Lapi chuan Mizoram Sawrkar Home Department hnuaia Police Constable lak turah harsatna nei te tan Help Desk an ruahman thu hriattirna a hnuai tarlan ang hian a chhuah.

POLICE RECRUITMENT CHUNGCHANGA HELP DESK SIAM HRIATTIRNA

Mizoram Sawkarin a phal angin Home Department hnuaiah Police Constable (Unarmed) - 51, Constable (Armed) - 200 leh Constable (Mechanic) - 8 lak a ni dawn a. Dilna hi Police Recruitment Online Portal mizopoliceree.in kaltlangin Ni 23.12.2024 atanga Ni 22.01.2025 thlengin thehluh theih a ni a, Siaha district atang pawhin mi engemaw zatin dilna an thehlut tawh a ni.

He hna dil tum, dilna (Application) buaipui kawnga harsatna neite chu Superintendent of Police (SP), Siaha Office ah "Help Desk" siam a ni a, Office hour chhungin kan pui thei reng che u a, inthlahrung lova rawn kal zel turin kan inhriattir e.