Tunlai hian Mizoramah Licence leh Document lem siamchhuah hmang an awm nia hriat a ni a. Hemi chungchangah hian Aizawl District SP Pu C. Lalzahngoa chuan  mipuite lo him zawkna turin thuchhuah a siam.

Tunlai hian Sorkara thuneitu (Issuing Authority) ni lo ten Driving Licence leh Document lem siam in mipui tam tak an bum thin tih hriat a ni a. Hetiang thil hi Dan bawhchhiatna lian tak a ni a, kum 7 (sarih) thleng Lung In tan leh pawisa chawia hrem theih a ni (u/s 468 IPC). Tin, chutiang Document lem (forged) lo hmangtute pawh Dan anga hrem theih an nih avangin mipuite fimkhur turin kan inhriattir a ni.

Tin, mi thilruk lo lei ang chi te pawh kum 3 (thum) thleng, jail tan leh pawisa chawi theihna( u/s 411 IPC) a nih avangin mi thilruk sa lei lo turin mitin kan inchah bawk a ni.