127/2024-2025
Aizawl the 10th April, 2024 : India ram danpui (Constitution) hnuaia Article 324 in thuneihna a pek tlawhchhanin Election Commission of India chuan a hnuaia tarlan ang hian thupek a chhuah (Vide No. 491/MCMC/4/2024/Communication Dated 01.04.2024).
State/District level Media Certification & Monitoring Committee (MCMC) in phalna an pe (pre-certified) a nih loh chuan vote thlak ni leh vote thlak hma ni ah Political Party, Candidate emaw pawl leh mimal thahnemngaihna anga print media kaltlanga politics kaihhnawih advertisement tihchhuah phal a ni lo. Political advertisement tihchhuah duh chuan an tihchhuah duh ni (date) hma nihnih ai a tlailovah MCMC hnenah dilna an thehlut ngei ngei tur a ni.
1-Mizoram (ST) Parliamentary Constituency ah chuan a chunga tarlan hian 18.04.2024 leh 19.04.2024 a huam ang.
