128/2024-2025 

Aizawl the 10th April. 2024 : March ni 16, 2024 khan General Election to Lok Sabha, 2024 neih a nih rualin state pali – Andhra Pradesh, Arunachal Pradesh, Odisha leh Sikkim Legislative Assemly Election neih a nih tur thu puan a ni a. Inthlan hi thawh sarih a neih tur niin, Mizoramah chuan a thawh khatna April ni 19, 2024 ah zawh fel nghal a ni ang.

Hemi chungchangah hian Representation of the People Act, 1951 hnuaia Section 126(1)(b) in  a khap angin vote thlak hun tawp darkar atanga chhiar leta darkar 48 chhung chu inthlanna hmun (polling area) ah television emaw, cinematograph emaw an a tlukpui reng reng hmanga inthlan kaihhnawih  tih chhuah emaw tarlan emaw phal a ni lo.

A chunga tarlan tak Section 126 in a sawi kan hriattur pawimawh zual a hnuaiah hian tarlana ni:

1. Vote thlak hun tawp darkar atanga chhiar leta darkar 48 chhung mipui vantlang in khawm (public meeting) neih khap a ni.

2. Sub-section (1) bawhchhia chu kum hnih thleng lung in tan emaw tangka chawi tir emaw, a pahnih lak kawpa hrem theih an ni.

3. A chunga tarlan pahnihte hian “inthlan result nghawng thei zawnga hmalakna reng reng a huam ang”.

Inthlan vuakvetah TV channel hrang hrangah thupui awmsa hmanga inkawmhona leh in hnial fiamna buatsaih thin a ni a. Hengah te hian Representation of the People Act, 1951 hnuaia Section 126 bawhchhiatna a awm thu complain dawn thin a ni. Election Commission of India chuan vote thlak hun tawp darkar atanga chhiar leta darkar 48 chhung chu “inthlan thu hla/chungchang” television leh a anpui hmanraw hrang hrang hmanga tarlan a lo khap tawh a. “Inthlan thu hla/chungchang” tih hian inthlan result nghawng thei leh tidanglam thei ang zawnga thil tih reng reng a huam vek a ni. He dan bawhchhiate chu kum hnih thleng lung in tan emaw tangka chawi tir emaw, a pahnih lak kawpa hrem theih an ni.

Election Commission of India chuan TV/Radio channel emaw Cable network neituten anmahni kaltlanga programme tihchhuah reng rengah, a chunga tarlan tak darkar 48 chhungin an programme a hun changtuten mipuite hnenah political party emaw candidate emaw tan lam hawi zawnga ngaihdan emaw ngenna an sawi lohnan engkim uluk takin an enfelin, an vil tha tur a ni. Hei hian mipui ngaihdan lak (opinion poll), zir zauna et., a huam tel vek a ni.

Vote thlak hun tawp darkar atanga chhiar leta darkar 48 chhungin TV, Cable network, Cinema Hall etc., hmag tangkaia political advertisement tih chhuah khap a ni a. bulk SMS/voice messages (a hlawma thawnchhuah) emaw, polling area a aurinna hmang emaw, mipuite en theihna tur hmanraw hmang emaw a political advertisement tarlan phal a ni lo.

Representation of the People Act, 1951 hnuaia Section 126 chuan “silence period” ( a chunga tarlan tak darkar 48 chhung) ah mipui vantlang inkhawm emaw mipui hnenah inthlan kaihhnawih thu leh hlau au chhuahpui emaw pholan/tarlan a khap a. Amaherawhchu, inthlan chhawng (multi-phased elections) neih a nihin, vote thlak mekna tur leh a chheh vel (polling area) nen a inkaihhnawih loh chuan he khapna hian a huam lovang.

Representation of the People Act, 1951 hnuaia Section 126A chuan vote thlak tan hun darkar atanga vote thlak zawh hnu darkar chanve ral thleng Exit Poll lak leh puanzar a khap a ni.

Representation of the People Act, 1951 hnuaia Section 126 in a huam loh chinah chuan TV/Radio/Cable/FM channels/internet websites/Social Media platforms neituten inthlan kaihhnawih thil (Exit Poll tiam loh in) an tarlang/puangzar duh a nih chuan sawrkara thuneitute (State/District/Local level) hnenah an dil thei ang. Amaherawhchu, Model Code of Conduct emaw, Ministry of Information & Broadcasting hnuaia Cable Network (Regulation) Act bawhchhiatna a awm tur a ni lo.

Internet Website leh Social Media platform hrang hrang enkawltuten anmahni kaltlanga politics kaihhnawih an tarchhuah turah The Information Technology Act, 2000, Information Technology (Intermediary Guidelines and Digital Media Ethics Code) Rules, 2021 leh Election Commission of India Guidelines No-491/SM/2013/Communication, dt25^thOctober,2013 an  ngai pawimawh tur a ni a. Election Commission of India order No. 509/75/2004/JS-I, dt 15^th April, 2004 leh letter No. 491/Paid News/2019/Communication dated 25.02.2019 in a phut angina electronic media kaltlanga political advertisement ti chhuak tur reng reng chuan  State/District level MCMC atangin phalna an la hmasa tur a ni.

Inthlan vuak vetah Print Media pawhin Press Council of India-in July ni 10, 2010-a inkaihhruaina a tih chhuah leh “Norms of Journalists Conduct – 2022” te tha takin an zawm tur a ni.

Electronic Media pawhin NBSA-in March ni 3, 2014-a “Guidelines for Election Broadcasts” a siam chu tha takin zawm tura beisei an ni.

Internet and Mobile Association of India (IAMAI) chuan General Elections to the Lok Sabha, 2019 ah khan inthlanna dik, felfai leh thianghlim tak a awm theih nan social media platform hrang hrang hmangtute zawm tur “Voluntary Code of Ethics” a siam a, hei hi IAMAI chuan September ni 23, 2019 khan inthlan apianga zawm a remti a, chuvangin he Voluntary Code of Ethics hi General Elections to the Lok Sabha, 2024-ah pawh zawm tlan theuh tur a ni.

State/District level MCMC-in phalna a pe a nih loh chuan Political Party, Candidate, pawl leh mimal tumahin vote thlak ni leh vote thla hma ni ah print media kaltlangin advertisement an ti chhuak tur a ni lo. Political Advertisement tih chhuah an duh ni atanga chhut leta ni hnih hmalamah MCMC-ah dilna hi thehluh tur a ni.

Election Commission of India thurawn March ni 1, 2024 a tih chhuah angin political advertisement, a bik takin “sky bus advertisement” chanchinthar thupui anga hmanga mipuite rilru kaihruai thei tur chi tih chhuah phal a ni lo. Fakna rawngkai inthlanpuia chak tur hrilhlawkna emaw, Inthlan result ni tur awm anga ngaih theih reng reng tarlan phal a ni lo.