awiin hian Lai Autonomous District Council General Election 2015 a duty tur Polling Party 62 te chuan an duty na hmun tur an pan.

MDC bial 25 a Polling Station 103 a inthlan buaipui tu tur zinga Polling Party 62 te hian tukin zing atang khan Lawngtlai DC Office Complex atangin an chhuak a, khawpui chhung leh hmun hnai zuala duty tur Polling Party 41 te chuan naktuk hian an duty na tur hmun an pan thung ang.

Polling Station 103 zing ah Polling Station pariat (8) Karlui-II, Hlimzawl, Fangfarlui, Saikhawthlir, Kawnkhua,Kakichhuah, Vartekkai leh Laitlang te chu motor a luh theih loh vangin ke a kal a ngai a, a hla ber hi motor thlentheih chin atangin KM 7 vel a hla a ni.

Tin, Model Code of Conduct for the Guidance of Political Parties and Candidates for the Elections to Autonomous District Councils in Mizoram, 2015, No. II na, Sub number (f) in a sawi angin vawiin Dt 24.11.2015 tlai lam dar 4:00 Pm hian campaign hun pawh a tawp tawh dawn a ni.