India ram hi khawvela Democracy ram lian ber a ni a. Democracy-in a tum ber chu khua leh tui kan nih anga kan aiawha roreltu tur duhthlan theihna chanvo kan neih hi a ni. Mipuite hian, he duhthlan theihna chanvo kan neih hmanga kan aiawh tur rilru fim taka kan thlan hian ram hmasawnna leh than lenna atan hna pawimawh tak kan thawk tihna a ni.
LADC General Election chu November ni 26, 2015 zing dar 7:00 a.m. -4:00 p.m. hian ruahman lawk angin neih a lo ni dawn ta a, Mizoram Sawrkar pawhin General Election neihna tur Polling Station area chhunga awm Sawrkar hnathawkte’n vote an thlak ngei theihna’n he ni hi holiday-ah a puang a ni.
He inthlanna atana campaign theih hun chhung chu ni 24.11.2015 tlai dar 4:00 pm hian a tawp dawn a. Vantlang inkhawm, kawng zawh leh campaign na lam hawi vantlang hip khawm thei tur intihhlimna leh SMS hmanga campaign te khap vek a ni tawh dawn a ni.
He hun pawimawh takah hian ram danpuiin chanvo a pek ang bawkin mawhphurhna pawh a pe tel a ni tih hriain LADC a MDC Constituency electoral rolls-a hming chuang zawng zawngte chu khua leh tui tha an nihna an vote hmanga tilang ngei turin State Election Commission chuan a sawm a ni.
