Vawiin chawhma atang khan Aizawl District huamchhunga Assembly Constituency pali - Tuivawl, Chalfilh, Tawi leh Aizawl South-III (rural area bik) chhunga Inthlanna tur buaipuitu (Polling Party) ten Vanapa Hall atangin Inthlanna tura pawimawh hmanrua / bungrua chi hrang hrang an la chhuak tan a. Heng an hmanraw lak chhuah te hi Polling Party-te hian a kim leh kim loh an endik vek hnuah naktuk atangin EVM (Electronic Voting Machine) an la chhuak leh ang a, an awmna hmun tur panin an chhuak nghal ang. Aizawl district chhunga MLA constituency bak zawng - Aizawl North-I, II, III; Aizawl East-I,II; Aizawl West-I,II,III; Aizawl South-I,II leh III (urban area)-a inthlan buaipuitu turte chuan naktuk (23.11.2013) hian inthlanna tura pawimawh hmanrua/ bungrua te lachhuakin, naktipah an chhuak thung ang.

Aizawl District-ah hian MLA Constituency 14 a awm a, vawiina inthlan bungrua lakchhuahna bial bika tun dinhmuna Polling station leh Voter awm zat chu hetiang hi a ni : 7- Tuivawl : Polling Station – 28, Voters – 14932; 8- Chalfilh : Polling Station – 29, Voters – 17074; 9- Tawi : Polling Station – 21, Voters – 14455; 20- Aizawl South- III : Polling Station – 28, Voters – 17632