Aizawl District Election Officer chuan thuchhuah siamin, 7th Mizoram Legislative Assembly inthlanpui, ni 25.11.2013 (Thawhtanni) zing dar 7:00 atanga tlai dar 4:00 chhunga neih turah hian, Representation of the People Act, 1951, Section 126-nain a sawi angin, inthlan vote thlak tawp atanga chhiar leta darkar 48, chumi awmzia chu ni 23.11.2013 tlai dar 4:00 atanga ni 25.11.2013 tlai dar 4:00 inkar chhungin mi tupawh tan a hnuai ami te hi khap a ni:
1) Inthlan kaihhnawih thila vantlang inkhawm buatsaih, vantlang inkhawma tel leh thusawi;
2) Mipui hnena inthlan lampang kaihhnawih thil Cinema, T.V. leh hetiang lam thil entir;
3) Inthlan dawn avanga musical concert leh intihhlimna lampang chi reng reng buatsaih.
A chunga dan tarlan takte hi bawhchhia an awm chuan, kum 2 thleng lungin tan emaw, chawi emaw, lungin tan leh chawi emawa hrem theih a ni.
