Vawiin chawhma dar 10:00 khan MLA inthlanpui lo awm tura  Serchhip District chhung Assembly Constituency pathuma duty tur Polling Team ten inthlanna kaihnawiha an hriat tur pawimawh chi hrang hrang training Govt. Higher Secondary School, Serchhipah neih a ni.

He hun ah hian Election Master Trainer pathum- Pu Vanlalhmachhuana, BDO Serchhip, Pi Dorothy Muansangi, BDO E.Lungdar leh Pi C. Lalduhzuali, Settlement Officer, Serchhip ten inthlanna atana Polling party-te hriattur pawimawh chi hrang hrang te  an zirtir bakah inthlanna hmanrua- Electronic Voting Machine(EVM) leh Voters Verified Paper Audit Trial(VVPAT) hman dan leh enkawl dan tur ataka entirin an zirtir a ni.

Assembly Constituency pathuma duty tur Polling Team training-ah hian member ruat chhuah mi 205 atangin mi 199 an tel thei a, naktuk ni 26th October, 2018 hian a hmun ngaiah Presiding Officer  te leh Asst. Presiding Officer te tan Training hi neih chhunzawm leh a ni ang.

Attachment

  • Loading attachment...